اشهر غلطة بنعملها واحنا بنربي اننا نفتكر ان رد الفعل هيجيب نتيجة 

احنا بنربي طفل هيقابل مجتمع بعد كدة

المجتمع ملوش علاقة انتي زعلتي من ابنك علي ايه و ضحكتيله علي ايه فعرف ان دا الصح والغلط ، لإنك للأسف مهما زودتي في انك تظهري زعلك ، هيخلص !!

عمرك مهتفضلي زعلانة علي غلط
وعمرك مهتفضلي مبسوطة منه علي الصح اللي عمله ✋

التربية ، صح و غلط ، و فيما بعد بنزود حلال و حرام

اه رد فعلك ممكن يشجعه يتقدم او يحسسه انه غلط بس الاساس هو الصح و الغلط خاصة من سن سنة لحد ٦ سنوات لإن في الوقت دا الطفل سهل جدا يعرف يلعب علي مشاعرك و يجيب اخرك في الزعل او الفرح بمزاجه 😐

الحل 👇

من البداية متعتبريش الموضوع شخصي بينك و بين الطفل ، متحطيش راسك براسه عشان هتتعبي و هيتعب 👎

الغلط كل الناس هتزعل منه و الصح كل الناس هتفرح بيه مش ماما بس ☝🏻

وعشان تأكدي المعلومة دي استعيني بالقصص و الحكايات اللي تخليه يتخيل الموقف بشكل اكبر 👍